«Jasyl ekonomıkany damytý – asa mańyzdy mindet. Klımattyń ózgerýi kóptegen jahandyq syn-qaterler týdyryp otyr. Bul – búkil halyqaralyq qaýymdastyqty alańdatyp otyrǵan másele. Onyń ekologııalyq saldary elderimizdiń órkendeýine kedergi keltiredi», dedi Memleket basshysy.
Prezıdent «Túrki jasyl qarjy keńesin» «Astana» halyqaralyq qarjy ortalyǵynyń Jasyl qarjy ortalyǵy negizinde ashýǵa bolatynyn atap ótti.
«Álem elderi sońǵy 7 jylda «jasyl» oblıgasııalarǵa 2,5 trıllıon dollardan astam qarjy bóldi. Osy rette, men bul saladaǵy kapıtal naryǵyn damytý úshin «Túrki jasyl qarjy keńesin» qurýdy usynamyn. Ony «Astana» halyqaralyq qarjy ortalyǵynyń Jasyl qarjy ortalyǵy negizinde ashýǵa bolar edi. Búginde «Astana» halyqaralyq qarjy ortalyǵy álemdegi iri kompanııalar arasynda tanymal bolyp, joǵary deńgeıde moıyndaldy. Ol jańa Keńestiń Hatshylyǵy qyzmetin atqara alady», dep qosty Q.Toqaev.
